IAS ଦମ୍ପତ୍ତିିଙ୍କ ଘରକୁ ଆସିଲେ ନୂଆ ଅତିଥି, ପରିବାରରେ ଖେଳିଯାଇଛି ଖୁସିର ମାହୋଲ
1 min read
ରାଜସ୍ଥାନ: ୨୦୧୫ ବ୍ୟାଚ ଆଇଏଏସ ଟପର ଟିନା ଡାବିଙ୍କ ଘରକୁ ଆସିଲା ଖୁସିର ଖବର । ମା ହେଲେ ଟିନା ଡାବି । ସ୍ୱାମୀ ପ୍ରଦୀପ ଗାୱାଣ୍ଡେ ଏବଂ ଟିନା ନିଜର ପ୍ରଥମ ପୁତ୍ର ସନ୍ତାନକୁ ସ୍ୱାଗତ କରିଛନ୍ତି । ଜୟପୁରର ଏକ ଡାକ୍ତରଖାନାରେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ଟିନା ।ପରିବାରରେ ଏକ ନୂଆ ସଦସ୍ୟଙ୍କ ଆଗମନ ପରେ ଆଇଏଏସ ଦମ୍ପତିଙ୍କୁ ଚାରିଆଡୁ ଶୁଭେଚ୍ଛା ମିଳିବା ଆରମ୍ଭ ହୋଇଗଲାଣି । ୨୦୨୨ ଜୁଲାଇରେ ଟିନା ରାଜସ୍ଥାନର ଜୈସଲମେରର ଜିଲ୍ଲାପାଳ ଭାବରେ ନିଯୁକ୍ତ ହୋଇଥିଲେ । ସେ ଗର୍ଭବତୀ ହେବା ପରେ କିଛି ମାସ ପାଇଁ ମାତୃତ୍ୱ ଛୁଟିରେ ରହିଥିଲେ । ଏହାପରେ ଅର୍ଥାତ ଶୁକ୍ରବାର ଦିନ ସେ ଏକ କୁନି ପୁଅକୁ ଜନ୍ମ ଦେଇଛନ୍ତି । ସୋସିଆଲ ମିଡିଆରେ ଟିନାଙ୍କ ଅନେକ ଲୋକପ୍ରିୟତା ରହିଛି । ସେ ସୋସିଆଲ ମିଡିଆରେ ପ୍ରଶଂସକଙ୍କ ସହ ଫଟୋ ଏବଂ ଭିଡିଓ ପୋଷ୍ଟ କରିଥାନ୍ତି ।
ସେ ଗତବର୍ଷ ଏପ୍ରିଲରେ ଆଇଏଏସ ଅଧିକାରୀ ପ୍ରଦୀପ ଗାୱାଣ୍ଡେଙ୍କୁ ବିବାହ କରିଥିଲେ । ଉଭୟ ଜୟପୁରରେ ବିବାହ କରିଥିଲେ । ଏବଂ ଏହା ସେମାନଙ୍କର ୨ୟ ବିବାହ ଅଟେ । ବିବାହ ପରେ ଦମ୍ପତି ଏକ ପଞ୍ଚ ତାରକା ହୋଟେଲରେ ରିସେପ୍ସନ କରିଥିଲେ । ଆଉ ଏବେ ପୁତ୍ର ସନ୍ତାନକୁ ସ୍ୱାଗତ କରି ଉଭୟ ଖୁସିଥିବା ଜଣାପଡିଛି । ନିକଟରେ ସାନ ଭଉଣୀ ଆଇଏଏସ ରିୟା ଡାବି ଟିନାଙ୍କ ବେବି ସାୱାର ଫଟୋ ନିଜ ସୋସିଆଲ ମିଡିଆରେ ପୋଷ୍ଟ କରିଥିଲେ । ଫଟୋ ଗୁଡ଼ିକରେ ଟିନା ଦାବି ବହୁତ ଖୁସି ଥିବା ଦେଖାଯାଇଛି । ଏବଂ ଏହି ଫଟୋରେ ତାଙ୍କ ବ୍ୟତୀତ ଟିନା ଡାବି, ତାଙ୍କ ସ୍ୱାମୀ ପ୍ରଦୀପ, ଭଉଣୀ ରିୟା ଏବଂ ତାଙ୍କ ସ୍ୱାମୀ ଆଇପିଏସ୍ ମନୀଷ କୁମାର ନଜର ଆସିଛନ୍ତି । ଏହି ଉତ୍ସବରେ ପରିବାର ଲୋକଙ୍କ ବ୍ୟତୀତ ସେମାନଙ୍କର କିଛି ବନ୍ଧୁ ସାମିଲ ହୋଇଥିଲେ । ଏହି ଅବସରରେ ଆଇଏଏସ୍ ଦମ୍ପତି କେକ୍ କାଟିଥିଲେ ।
ସୂଚନାନୁସାରେ, ସେ ଜୁନ୍ ମାସରେ ମାତୃତ୍ୱ ଛୁଟି ପାଇଁ ପର୍ସନାଲ ବିଭାଗକୁ ଏକ ଚିଠି ଲେଖିଥିଲେ । ଟିନା ଆଇଏଏସ୍ ସିଭିଲ ସର୍ଭିସେସ୍ ପରୀକ୍ଷଣ ୨୦୧୫ ର ଶୀର୍ଷରେ ଥିଲା । ତାଙ୍କୁ ଭାରତର ରାଷ୍ଟ୍ରପତିଙ୍କ ଦ୍ୱାରା ସ୍ୱର୍ଣ୍ଣ ପଦକ ମଧ୍ୟ ପ୍ରଦାନ କରାଯାଇଥିଲା । ତାଲିମ ସମାପ୍ତ କରିବା ପରେ, ସେ ୨୦୧୮ ରେ ଭିଲୱାରା ଝଊଗ ପଦ ଗ୍ରହଣ କରିଥିଲେ ।୨୦୧୮ ରେ, ସେ ଅଟାର ଆମୀର ଖାନଙ୍କ ସହିତ ପ୍ରେମ ବିବାହ କରିଥିଲେ । କିନ୍ତୁ ସେମାନଙ୍କ ବିବାହ ବେଶୀ ଦିନ ତିଷ୍ଠି ପାରିନଥିଲା । ସେମାନେ ୨୦୨୦ ରେ ଛାଡପତ୍ର ହୋଇଥିଲେ । ତା’ପରେ ୨୦୨୨ ମସିହାରେ ସେ ଆଇଏଏସ୍ ପ୍ରଦୀପ ଗଣୱାଡେଙ୍କୁ ବିବାହ କରିଥିଲେ । ବର୍ତ୍ତର୍ମାନ IAS ଦମ୍ପତି ସେମାନଙ୍କର ପ୍ରଥମ ସନ୍ତାନକୁ ସ୍ୱାଗତ କରିଛନ୍ତି । ଉଭୟଙ୍କ ବିବାହ ବିଷୟରେ ମଧ୍ୟ ଅନେକ ଆଲୋଚନା ହୋଇଥିଲା ।
